Գլխավոր »
2012 » Փետրվար » 18 » Յուրա Մովսիսյանի տեղափոխությունն ավելի ու ավելի հավանական է դառնում
12:53 Յուրա Մովսիսյանի տեղափոխությունն ավելի ու ավելի հավանական է դառնում |
Այսօր թուրքական Բելեկ քաղաքում ուսումնամարզական հավաք անցկացնող Կրասնոդարի համանուն թիմը ստուգողական հանդիպում անցկացրեց Կիևի «Արսենալի» հետ և զիջեց 2:4 հաշվով: Եվ չնայած թիմը պարտվում էր, մարզչական շտաբն այդպես էլ խաղադաշտ չմտցրեց Հայաստանի ֆուտբոլի ազգային հավաքականի հարձակվող Յուրա Մովսիսյանին:
Սովորաբար ընդունված է ասել, որ նման խաղերը բոլոր խաղացողներին դրսևորվելու հնարավորություն տալու համար են կազմակերպվում, սակայն թիմի մարզիչներին նախապատրաստության այս փուլում պետք է որ առաջին հերթին հետաքրքրի խաղային համագործակցության մակարդակը: Բացի այդ, սա առաջին խաղը չէ, որ Յուրան բաց է թողնում:
Ակումբի պաշտոնական կայքը չի հրապարակում պատճառները: Հայ ֆուտբոլիստը մարզվում է ընդհանուր խմբում և, բարեբախտաբար, առողջական վիճակի հետ կապված խնդիրներ չունի:
Ավելի հավանական է թվում այն կարծիքը, որ գլխավոր մարզիչ Սլավոլյուբ Մուսլինը ստիպված է առջևի գծում փորձարկել այլ ֆուտբոլիստների` հույս չունենալով, որ ակումբը կարող է պահպանել Յուրա Մովսիսյանին: Այն, որ Հայաստանի ընտրանու ֆուտբոլիստի ծառայություններով մի շարք ակումբներ են հետաքրքրվում, այդ թվում` մոսկովյան ԲԿՄԱ-ն, գաղտնիք չէ: Ավելին` ռուսաստանյան որոշ լրատվամիջոցներ վերջերս կրկին անդրադարձել են այդ թեմային…
|
|
նայել են: 585 |
Հեղինակ: MASTARA
| Рейтинг: 0.0/0 |
| Ամբողջ մեկնաբանությունը: 0 | |
|
|
|
|
