Անգլիայի առաջնության 27-րդ տուրում «Մանչեսթեր Յունայթեդը» արտագնա խաղում 3:1 հաշվով վստահ հաղթանակ տարավ երրորդ տեղում ընթացող «Տոտենհեմի» նկատմամբ: Առաջին խաղակեսի վերջին րոպեին Ուեյն Ռունին բացեց խաղի հաշիվը, իսկ երկրորդ խաղակեսում 9 րոպեի ընթացքում Էշլի Յանգը դուբլ ձևակերպեց և ապահովեց իր թիմի հաղթանակը: Մնացած ժամանակում «Տոտենհեմին» Ժերմեն Դեֆոյի ջանքերով միայն հաջողվեց խփել հեղինակության գնդակը: Ալեքս Ֆերգյուսոնի սաները շարունակում են հետապնդել առաջատարին` «Մանչեսթեր Սիթիին»: Երկու թիմերի միջև տարբերությունն այժմ 2 միավոր է: Օրվա մյուս խաղերից կարելի է առանձնացնել «Ֆուլհեմի» խաշար հաշվով հաղթանակը «Վուվերհեմփթոնի» նկատմամբ: Հեթ-տրիկի հեղինակ դարձավ ռուս հարձակվող Պավել Պոգրեբնյակը, ով Անգլիա տեղափոխվելուց հետո 3 խաղում դարձել է 5 գոլի հեղինակ: «Նյուքասլ Յունայթեդ» (Նյուքասլ ըփոն Թայն) – «Սանդերլենդ» (Սանդերլենդ) – 1:1 գոլերը` Բենդտներ, 24 (0:1, 11մ); Ամեոբի, 90 (1:1) «Ֆուլհեմ» (Լոնդոն) – «Վուլվերհեմփթոն» (Վուլվերհեմփթոն) – 5:0 գոլերը` Պոգրեբնյակ, 36 (1:0); Պոգրեբնյակ, 44 (2:0); Դեմփսի, 56 (3:0); Պոգրեբնյակ, 61 (4:0); Դեմփսի, 83 (5:0) «Տոտենհեմ» (Լոնդոն) – «Մանչեսթեր Յունայթեդ» (Մանչեսթեր) – 1:3 գոլերը` Ռունի, 45 (0:1); Յանգ, 60 (0:2); Յանգ, 69 (0:3); Դեֆո, 87 (1:3)
|