Գլխավոր »
2012 » Փետրվար » 26 » Վիլաշ Բոաշ. Արսենալ - Տոտենհեմ հանդիպման ցանկացած արդյունքը մեզ ձեռնտու կլինի
11:00 Վիլաշ Բոաշ. Արսենալ - Տոտենհեմ հանդիպման ցանկացած արդյունքը մեզ ձեռնտու կլինի |
 Անգլիայի առաջնության 26-րդ տուրում «Բոլթոնին» հաղթելուց (3:0) հետո «Չելսիի» գլխավոր մարզիչ Անդրե Վիլաշ Բոաշը հայտարարել է, որ արդյունքը պետք է վստահություն հաղորդի իր թիմին:
«Վերջերս մենք անընդհատ ծանր ճնշման տակ էինք: Նախորդ խաղերում մեր ցուցադրած արդյունքներն անհաջող էին և թիմը հաղթելու անհագ ցանկություն ուներ: Այժմ կարևոր է ստացած լիցքերն օգտագործել հաջորդ հանդիպումներում' հաղթահարել խնդիրները գավաթների խաղարկություններում և բարելավել դիրքը մրցաշարային աղյուսակում»,- Պորտուգալացի մարզչի խոսքերն է մեջբերում «ազնվականների» պաշտոնական կայքը:
Վիլաշ Բոաշն անդրադարձել է նաև իր թիմի անմիջական մրցակիցների' «Արսենալ» - «Տոտենհեմ» հանդիպմանը, որը կկայանա այսօր.
«Մինչ այս «Արսենալը» մեզ գերազանցում էր գնդակների տարբերությամբ: Չնայած 5-րդ տեղում ենք ընթանում, դա ոչ մի նշանակություն չունի: Հանգստյան օրերի կարևորագույն հանդիպումը կկայանա վաղը և այնտեղ գրանցված յուրաքանչյուր արդյունք մեզ ձեռնտու կլինի. ամեն դեպքում կամ կմոտենանք «Տոտենհեմին», կամ առաջ կանցնենք «Արսենալից»»:
|
|
նայել են: 411 |
Հեղինակ: MASTARA
| Рейтинг: 5.0/1 |
| Ամբողջ մեկնաբանությունը: 0 | |
|
|
|
|
