Լոնդոնի հանրահայտ «Ուեմբլի» մարզադաշտում կայացավ Անգլիայի լիգայի գավաթի եզրափակիչը, որտեղ հանդիպեցին «Լիվերպուլն» ու «Կարդիֆ Սիթին»:

Հանդիպման հաշիվը 19-րդ րոպեին բացեցին «Կարդիֆի» ֆուտբոլիստները: Աչքի ընկավ Ջո Մեյսոնը: Լիվերպուլցիները կարողացան հաշիվը հավասարեցնել միայն 60-րդ րոպեին: Սլովակ պաշտպան Մարտին Շկրտելն անկյունայինի խաղարկումից հետո կարողացավ գնդակն ուղարկել մրցակցի դարպասը:

Հիմնական ժամանակում հաշիվն այլևս չփոխվեց, իսկ լրացուցիչ ժամանակը հաջող սկսեցին Քենի Դալգլիշի սաները, և Դիրկ Կայտը 108-րդ րոպեին առաջ մղեց իր թիմին: Սակայն լրացուցիչ ժամանակի ավարտից ընդամենը 2 րոպե առաջ կարդիֆցիները կարողացան գրավել Խոսե Ռեյնայի պաշտպանած դարպասը և խաղը տեղափոխել 11 մետրոանոց հարվածաշարերի:

Այստեղ արդեն ավելի ուժեղ գտնվեցին «Լիվերպուլի» ֆուտբոլիստները: Ընդ որում, առաջին երկու հարվածները նրանք չկաչրողացան անվրեպ իրացնել. վրիպեցին փորձառու Սթիվեն Ջերարդը և Չարլի Ադամը: Սակայն «Կարդիֆի» ֆուտբոլիստները չկարողացան օգտվել այդ նվերներից և, 3 անգամ վրիպելով, գավաթը զիջեցին «Լիվերպուլին», որը վերջին վեց տարվա ընթացքում իր առաջին մրցանակը նվաճեց:

Ավելացնենք, որ սա լիվերպուլցիների նվաճած 8-րդ գավաթն էր ակումբի պատմության մեջ:

«Կարդիֆ Սիթի» (Կարդիֆ) – «Լիվերպուլ» (Լիվերպուլ) – 2:2 (2:3 - 11մ)

գոլերը` Մեյսոն, 19 (1:0); Շկրտել, 60 (1:1); Կայտ, 108 (1:2); Թերներ, 118 (2:2)