«Մանչեսթեր Յունայթեդի» կիսապաշտպան Պոլ Սքոուլզը հարցազրույց է տվել ակումբի հեռուստաալիքին և համեմատել մարզչական շտաբում աշխատելը և թիմում խաղալը:Հիշեցնենք, որ անցած տարի 37-ամյա անգլիացին ներգրավվեց թիմի մարզչական կազմում, սակայն 2012թ.-ի սկզբին կրկին մարզադաշտ դուրս եկավ «Յունայթեդի» կազմում, որպեսզի օգնի թիմին հերթական անգամ չեմպիոն դառնալ:«Մարզիչ աշխատելը լավ էր, սակայն դա նույն բանը չէ, երբ ինքդ ես խաղում: Ամեն օր ես գալիս էի մարզումների, և, պետք է խոստովանեմ, որ ինձ դժվար էր ընտելանալ այդ կարգավիճակին: Իրոք ես կարոտում էի խաղն այնքան ժամանակ, մինչև որ անցած տարվա վերջում չեկա Ֆերգյուսոնի մոտ և խոսեցի նրա հետ: Հիմա մենք լավ առավելությամբ առջևում ենք, սակայն մինչև մրցաշրջանի ավարտ դեռ ժամանակ կա: «Մանչեսթեր Սիթին» շատ լավ թիմ է: Այն ֆանտաստիկ մրցաշրջան է անցկացնում և կարող է հաղթել ցանկացած թիմի, այդ թվում և «Արսենալին»: Ունենք 5 միավորի տարբերություն և պետք է կենտրոնանաք մեր խաղի վրա», – ասել է Սքոուլզը: