Անգլիայի առաջնության 32-րդ տուրում մրցաշարային աղյուսակի միանձնյա առաջատար «Մանչեսթեր Յունայթեդը» սեփական հարկի տակ 2 անպատասխան գնդակ ուղարկեց «Քուինզ Պարկ Ռեյնջերսի» դարպասն ու արդեն 8 միավորով է գերազանցում 2-րդ տեղում ընթացող «Մանչեսթեր Սիթիին»:Մանչինիի սաները քիչ հետո Լոնդոնում կհյուրընկալվեն «Արսենալին»:Հանդիպման 15-րդ րոպեին Շոն Դերին սեփական տուգանային հրապարակում կանոնները խախտեց Դենի Ուելբեքի նկատմամբ և մրցավարը ոչ միայն 11 մետրանոց նշանակեց, այլ խաղադաշտից հեռացրեց հյուրերի ավագին: Ուեյն Ռունին չվրիպեց նշակետից: Այդուհանդերձ, փոխանցման պահին Ուելբեքը բացահայտ խաղից դուրս վիճակում էր:68-րդ րոպեին Պոլ Սքոուլզը հեռահար հարվածով կրկնապատկեց հաշիվը: Այդուհետ Ալեքս Ֆերգյուսոնի սաները բազմիցս կարող էին հաշիվը դարձնել խոշոր, սակայն նոր գոլեր չգրանցվեցին: