Գլխավոր » 2012»Մարտ»30 » Ռոբսոն. Ֆերգյուսոնին կարող է փոխարինել միայն Մոուրինյոն
16:00
Ռոբսոն. Ֆերգյուսոնին կարող է փոխարինել միայն Մոուրինյոն
«Մանչեսթեր Յունայթեդի» լեգենդ Բրայան Ռոբսոնը գտնում է, որ թիմի հաջորդ գլխավոր մարզիչը պետք է դառնա «Ռեալում» աշխատող Ժոզե Մոուրինյոն: Ռոբսոնը Ֆերգյուսոնի գլխավորությամբ հանդես է եկել 8 տարի, որից հետո տեղափոխվել է «Միդլսբրո», որտեղ էլ ավարտել է կարիերան: «Որքանով ինձ հայտնի է, «Մանչեսթեր Յունայթեդում» դեռ զբաղված չեն նոր մարզչի փնտրտուքներով: Ո՞վ անհրաժեշտության դեպքում կարող է փոխարինել Ֆերգյուսոնին: Ցավոք, շոտլանդացուն փոխարինել գրեթե անհնար է, բայց Մոուրինյոն համարվում է ամենաարժանի թեկնածուն: Պորտուգալացու աշխատանքային գործունեությունն ամեն ինչ ասում է»,- Ռոբսոնի խոսքերը մեջբերել է Eurosport-ը: Ալեքս Ֆերգյուսոնը 1986 թվականից գլխավորում է «Մանչեսթեր Յունայթեդը» ու 25 տարիների ընթացքում 37 տիտղոս է նվաճել: Ռոբսոնն ընգծել է նաև, որ բարձր է գնահատում Ֆերգյուսոնի օգնականներ Մայք Ֆելանի ու Ռենե Պելեստինի աշխատանքը: «Անկախ հանգամանքներից, նրանց մոտ միշտ կա սեփական կարծիքը ու ինչ-որ գաղափարներ: «Մանչեսթեր Յունայթեդը» բավական հաջողակ է, չի կարելի գալ ու ամեն ինչ նորովի անել: Ինչպե՞ս վարվել նման իրավիճակում: Ինչո՞ւ Մայքը ու Ռենեն չստանան Ֆերգյուսոնից պաշտոնը, երբ նա որոշի հեռանալ: Այդ մասին երբեք չի խոսվել, բայց նրանք գիտեն, թե ինչպես է աշխատում այդ համակարգը»,-եզրափակել է Ռոբսոնը:
