- Առջևում դեռ յոթ հանդիպում կա, ոչինչ ավարտված չէ: Մենք 28 տուրի ընթացքում մրցաշարային աղյուսակում առաջինն էինք, և հնարավոր է, որ ամենակարևոր պահին թիմի խաղի վրա անդրադարձավ մի շարք ֆուտբոլիստների վնասվածքները: Հնարավոր չէ միշտ հաղթել: Կարծում եմ, որ մենք լավ մրցաշրջան անցկացրինք: Նույնիսկ երկորդ տեղը թիմի համար նվաճում կարելի է համարել:
Մենք կարող ենք հպարտանալ ձեռք բերվածով: Այս ընթացքում մենք առաջատար ենք եղել և որպես թիմ առաջադիմել ենք: «Մանչեսթեր Յունայթեդը» վերջին երկու ամիսների ընթացքում հիանալի արդյունքներ է գրանցում: Բայց ֆուտբոլում ամեն ինչ կարող է մեկ շաբաթվա ընթացքում փոխվել: Միշտ պետք է պահպանել լավատեսությունը:
Չեմ կարծում, որ «Մանչեսթեր Յունայթեդի» ֆուտբոլիստները իմ սաներից ավելի ուժեղ են, բայց նրան ուժեղ են որպես թիմ: Նրանք փորձառու կազմ ունեն, որն օժտված է հաղթողի հոգեբանությամբ: Հնարավոր է, որ եթե մենք մեր լավագույն 11 ֆուտբոլիստներին հանենք նրանց 11-ի դեմ, ապա չենք պարտվի, բայց նրանք կարող են կորցնել 3-4 ֆուտբոլիստներին ու շարունակեն հաղթանակներ տոնել, իսկ մենք դեռ դրան պատրաստ չենք,- իտալացի մասնագետի խոսքերն է մեջբերում Daily Mail-ը: