Ուկրաինայի առաջնության երկրորդ հատվածը անհաջող սկսեց Դոնեցկի «Շախտյորը»: Թիմը սեփական հարկի տակ չկարողացավ հաղթել «Դնեպրին»: Հանդիպումն ավարտվեց ոչ-ոքի` 1:1 հաշվով:

Ընդ որում «հանքափորներին» պարտությունից փրկեց Հայաստանի հավաքականի կիսապաշտպան Հենրիխ Մխիթարյանը: Նա խաղադաշտ դուրս եկավ հիմնական կազմում և մասնակցեց ամբողջ հանդիպմանը: 40-րդ րոպեին 0:1 հաշվի ժամանկ հենց Մխիթարյանի հարվածը օգնեց թիմին խուսափել պարտությունից:

Նշենք, որ սա Ուկրաինայի անկախացումից հետո «Շախտյորի» պատմության մեջ 1700-րդ գնդակն էր բոլոր պաշտոնական մրցաշարերում:

«Շախտյորը» հավասարվեց Կիևի «Դինամոյին», սակայն 21-րդ տուրում հաղթանակ տանելու դեպքում դինամոյականները առաջ կանցնեն իրենց հիմնական մրցակւիցներից 3 միավորով: Մյուս տուրում Միրչա Լուչեսկուի սաները մարտի 10-ին կհուրընկալվեն «Իլյիչևեցին»: