Գլխավոր » 2012 » Մայիս » 30 » «ՄԱՆՉԵՍԹԵՐ ՅՈՒՆԱՅԹԵԴԸ» ՌԵԿՈՐԴԱԿԻՐ Է

---

09:51 «ՄԱՆՉԵՍԹԵՐ ՅՈՒՆԱՅԹԵԴԸ» ՌԵԿՈՐԴԱԿԻՐ Է

Sportingintelligence հրատարակությունը հաշվել է, որ պրեմիեր լիգայի ավարտված մրցաշրջանում «Մանչեսթեր Սիթին» վնասվածք ունեցող խաղացողների եւ նրանց բացակայության ժամանակահատվածով վիթխարի առավելություն ուներ «Մանչեսթեր Յունայթեդի» նկատմամբ. ամփոփիչ աղյուսակում հարեւանները տարբեր բեւեռներում են հայտնվել: 2011/12 մրցաշրջանի ընթացքում ամենաքիչ թվով լուրջ վնասվածքներ ստացած խաղացողներ ունեին Քաղաքաբնակները (երբ խաղացողը բացակայել է նվազագույնը 2 շաբաթ) – 7 ֆուտբոլիստ, եւ դրանցից ամենալուրջը Նայջել Դե Յոնգի ոտնաթաթի վնասվածքն էր, որի պատճառով նա բացակայեց 39 օր: Հարկ է նշել, որ լուրջ վնասվածք ստացածների թվում չկար Օուեն Հարգրիվզը: Կիսապաշտպանը պարբերաբար խաղում էր պահեստային կազմում, եւ երբեք 2 շաբաթից ավելի չբացակայեց: Միանգամայն այլ պատկեր էր «Յունայթեդում»: Նախկին չեմպիոնները 39 լուրջ վնասվածք ունեին, եւ ընդհանուր առմամբ մրցաշրջանի ընթացքում բոլոր վնասվածք ստացածները բաց են թողել 1681 օր: Ամենաշատը բացակայել են Նեմանյա Վիդիչը (158 օր), Դարեն Ֆլետչերը (152) եւ Թոմ Կլեվերլին (102): Չնայած այս մեծ խնդիրներին, «ՄՅՈՒ»-ն չեմպիոնական տիտղոսի համար մինչեւ վերջ պայքարեց «Սիթիի» դեմ եւ մրցանակը ձեռքից բաց թողեց միայն գնդակների տարբերությամբ: manutd.am Прикрепления: Նկար 1

1 2 3 4 5 նայել են: 445 | Հեղինակ: Manch | Рейтинг: 0.0/0

Ամբողջ մեկնաբանությունը: 0