Անգլիական «Մանչեսթեր Յունայթեդի» գլխավոր մարզիչ Ալեքս Ֆերգյուսոնը «Ֆուլհեմի» նկատմամբ Պրեմիեր լիգայի 30-րդ տուրի խաղում 1:0 հաշվով տոնած հաղթանակից հետո նշել է, որ դա շատ կարևոր էր չեմպիոնական մրցավազքի առումով:
«Սա մեծ խաղ էր, քանի որ այն մրցաշրջանի վերջնամասում մեզ համար կարևորագույն հանդիպումների շարքում էր,- Ֆերգյուսոնի խոսքերը մեջբերել է «կարմիր սատանաների» պաշտոնական կայքը:- Բոլոր թիմերն էլ կպայքարեն գոյության համար, և ոչ մի խաղ հեշտ չի լինելու: Իսկ «Ֆուլհեմը» փորձառու թիմ է, որի հետ խաղալը շատ դժվար է: Լավ է, որ հաջողության հասանք, բայց մրցակցին նույնպես պետք է արժանին մատուցենք»:
Հիշեցնենք, որ 30-րդ տուրից հետո «Մանչեսթեր Յունայթեդը» գլխավորում է մրցաշարային աղյուսակը` 3 միավորով գերազանցելով երկրորդ տեղում հաստատված «Մանչեսթեր Սիթիին»:
