Սեր Ալեքս Ֆերգյուսոնը խոստովանել է, որ ցանկանում է ապրիլի 30-ին կայանալիք «Ման. Սիթի»-«Ման. Յունայթեդ» հանդիպմանը գնալ`իմանալով, որ այդ խաղում հաղթանակը կօգնի գլխավորել մրցաշարային աղյուսակը: Շատերն են կարծում, որ չեմպիոնական մրցավազքում այս խաղը կլինի որոշիչ: Այս կիրակի «Մանչեսթերին» բարդ հանդիպում է սպասվում «»Տոտենհեմի» հետ, սակայն Ֆերգյուսոնը մտադիր չէ միավորներ կորցնել.
«Դա շատ կարևոր խաղ է, եթե մենք կարողանանք հաղթել,ապա կունենանք մեծ հնարավորություններ հաղթելու Պրեմիեր լիգան»,-Ֆերգյուսոնի խոսքերը մեջբերում է «Ման. Յունայթեդի» պաշտոնական կայքը:
«Այո, ես համաձայն եմ խաղալ «Սիթիի» հետ` ետ մնալով 2 միավորով: Բայց ես ցանկանում եմ, որ մինչև այդ հանդիպումը մեր միավորները հավասարվեն: Այժմ ես կազմ ընտրելու ավելի մեծ հնարավորություններ ունեմ, քանի որ մի շարք Ֆուտբոլիստներ ապաքինվել են վնասվածքից: Մենք ճիշտ վարվեցինք` հանգստի հնարավորություն տալով Սմոլինգին և Ջոնսին: Նրանք դեռ երիտասարդ են ու վերջին շրջանում շատ վնասվածքներ ստացան, եթե մենք միանգամից նրանց խաղալու հնարավորություն տայինք, միգուցե կրկին վնասվածքներ ստանային»,- նշել է Սմոլինգը:
Մարզիչը նաև իր համոզմունքն է հայտնել, որ չեմպիոնական պայքարում «Ման. Յունայթեդի» փորձը կունենա վճռորոշ դեր. «Ուեյն Ռունին արդեն 8 տարի հանդես է գալիս «Յունայթեդում» և մի քանի անգամ չեմպիոն է դարձել: Նա գիտի` ինչ է պետք հաղթելու համար: Առհասարակ, ես կարծում եմ, որ յուրաքանչյուր Ֆուտբոլիստի նպատակն է նվաճել 4-5 ոսկե մեդալ, դրանից հետո նրանք արդեն չեմպիոնական պայքարում փորձառու են դառնում»,-հավելել է Սեր Ալեքսը:
|