Ֆուտբոլի Անգլիայի Պրեմիեր-Լիգայի 28-րդ տուրի խաղային երկրորդ օրվա արդյունքներով փոխվեց մրցաշարային աղյուսակի առաջատարը:

Մինչեւ հաշվետու տուրը մրցաշարային աղյուսակը գլխավորորղ "Մանչեսթեր Սիթին" այսօր հյուրընկալվելիս նվազագույն հաշվով զիջեց "Սուոնսիին"` միակ գնդակը բաց թողնելով 83-րդ րոպեին: Ընդ որում, դաշտի տերերը կարող էին հաղթել երկու գնդակի տարբերությամբ, սակայն 7-րդ րոպեին Սքոթ Սինքլեյրը չկարողացավ իրացնել նշանակված 11մ. հարվածը:
Այդ պարտությունից օգտվեց "Մանչեսթեր Յունայթեդը", որը զուգահեռաբար ընթացող խաղում, սեփական հարկի տակ 2-0 հաշվով առավելության հասավ "Վեսթ Բրոմվիչի" նկատմամբ: Տանտերերի կազմում դուբլի հեղինակ դարձավ Ուեյն Ռունին:  "Յունայթեդը" վաստակեց 67 միավոր եւ սկսեց միանձնյա գլխավորել Պրեմիեր-Լիգայի մրցաշարային աղյուսակը:

1-0 - Ուեյն Ռունի  (36'),  2-0 - Ուեյն Ռունի  (71', 11մ.):