Գլխավոր »
2012 »
Ապրիլ »
13 » Անգլիա. Հոգեբանական խաղեր
22:26 Անգլիա. Հոգեբանական խաղեր |
«Յունայթեդի» մարզչի օգնական Ռենե Մեուլենստինը «Յունայթեդի» ոգին է համարում «Սիթիի» նկատմամբ ներկայիս առավելության հիմնական պատճառը: Իսկ Ռոբերտո Մանչինին իր թիմին պաշտպանելու փոխարեն համաձայնեց նրա հետ:
«Ես համաձայն եմ,- ասաց «Սիթիի» մարզիչը:- Ահա թե ինչու եմ ասում, որ չենք կարող հաղթել: Նրանք շատ փորձ ունեն և հրաշալի թիմ: Նրանք ամեն ինչ ունեն: Մենք ոչինչ չունենք:
Բայց ես հպարտ եմ իմ խաղացողնով ամեն ինչ համար` ներառյալ սխալները: Մենք լուսնից չենք: Մենք սովորական մարդիկ ենք և բոլոր սովորական մարդկանց պես կարող ենք սխալներ գործել»:
«Սիթիի» մարզավիճակի վրա կարող է ազդել Յայա Տուրեի վերադարձը, որը «Արսենալի» հետ խաղում վնասվածք էր ստացել և շարքից դուս եկել: Կասկած չկա, որ «քաղաքացիներն» ավելի պատկառելի են, երբ Տուրեն խաղում է, սակայն Մանչինին դեռ կասկածում է, որ «Սիթին» կկարողանա շրջանցել «Յունայթեդին»: «Դա շատ դժվար է,- ասաց նա:- Դա չի նշանակում, որ մենք չենք ցանկանում փորձել կամ հաղթելու փոքր հնարավորություն չունենք: Բայց հույս ունեմ, որ մենք կխաղանք, ինչպես երեք-չորս շաբաթ առաջ, այլ ոչ թե այնպես, ինչպես խաղացինք «Արսենալի» դեմ»:
Եթե «Սիթին» իսկապես չնվաճի տիտղոսը, հիմնական հարցը կլինի այն, թե արդյո՞ք ակումբի մեծահարուստ սեփականատեր շեյխ Մանսուրը դեռ կշարունակի վստահել Մանչինիին: Չնայած ասում են, որ շեյխ Մանսուրը և ակումբի նախագահ Հալդուն ալ Մուբարաքը միշտ կշռադատված որոշումներ են կայացնում, նրանք ապացուցել են, թե ինչքան արագ կարող են գործել` երկուս ու կես տարի առաջ աշխատանքից ազատելով Մարկ Հյուզին:
Սակայն Մանչինին չի կարծում, որ մրցաշրջանի ավարտից հետո իր վերաբերյալ այդքան խիստ որոշում կկայացվի` նշելով, որ թեև «Սիթին» վերջին տարիներին մեծ գումարներ է ծախսել, դա արվել է երկարաժամկետ նախագծի համար, ոչ թե շտապ արդյունքների:
«Երբ ես եկա այստեղ, սեփականատերերն ասացին ինձ, որ երկու-երեք տարի անց ցանկանում են մասնակցել Չեմպիոնների լիգային և պայքարել տիտղոսի համար,- ասում է նա:- Մեկ տարի անց մենք մրցաշրջանն ավարտեցինք երրորդ տեղում «Չելսիի» հետ միասին և նվաճեցինք Անգլիայի գավաթը: Երկրորդ տարում մենք մինչ օրս պայքարում ենք տիտղոսի համար»:
football365.am
|
|
նայել են: 387 |
Հեղինակ: Manch
| Рейтинг: 0.0/0 |
| Ամբողջ մեկնաբանությունը: 0 | |
|
|
|
|
