Ուեյն Ռունի շատ է ցանկանում առաջին անգամ հաղթել Եվրոպայի լիգայում: Դրա համար նախ պետք է հաղթահարել «Այաքս»-ի արգելքը:
1995/96 թվականներից սկսած բացի Չեմպիոնների լիգայից «Մանչեսթր Յունայթեդի»-ը հանդես չի եկել այլ եվրոմրցաշարերում. «Այաքս»-ի հետ հանդիպումը կլինի առաջինը:
Դեկտեմբերին «Բազել»-ից կրած պարտության արդյունքում Չեմպիոնների լիգայի խմբային փուլում «Յունայթեդ»-ը զբաղեցրեց 3-րդ տեղը:Նմանատիպ ճակատագրի արժանացավ նաև «Այաքս»-ը: Վերջինս էլ, պարտություն կրելով «Ռեալ»-ից, անցավ Եվրոպայի լիգայի 1/16 փուլ:
Ուեյն Ռունի հոլանդական ակումբի հետ խաղից առաջ «Յունայթեդ»-ի պաշտոնական կայքին տված հարցազրույցում նշել է.
«Ես անհամբերությամբ եմ սպասում հանդիպմանը: Սա մեզ համար նոր մարտահրավեր է և մենք ցանկանում ենք հաղթել: Հենց այնպես մասնակցությունը մի մրցաշարի, որը չես ցանկանում հաղթել, իմաստ չունի: Ես համոզված եմ, որ մարզիչը ճիշտ դասավորություն կընտրի: Հիանալի կլինի հաղթել Եվրոպայի լիգան հենց այս կազմով, դա մեր նպատակն է»:
Սեր Ալեքսն իր հերթին հայտավորել է մեծամասամբ հիմնական կազմի խաղացողների` հանգստի հնարավորություն տալով միայն Գիգզին, Բերբատովին, Էվրային:
«Ես այս մրցաշարին ամենայն լրջությամբ եմ վերաբերվում: Մենք խաղալու ենք շատ լավ խոտածածկ ունեցող հիանալի մարզադաշտում»,-նշել է Ֆերգյուսոնը:
Եթե «
Մանչեսթր»-ը Պրեմիեր լիգայում զիջում է միայն «Ման. Սիթի»-ին, ապա «Այաքս»-ի գործերը ներքին առաջնությունում ավելի վատ են` թիմը զբաղեցնում է ընդամենը 6-րդ հորիզոնականը: Շաբաթ օրվա հաղթանակը «Բրեդո»-ի հետ խաղում այս տարվա ընթացքում ամստերդամցիների համար առաջինն էր: Այդ խաղի ժամանակ վնասվածք է ստացել Էյոնգ Էնոն: Վնասվածքի պատճառով «Այաքս»-ի կազմից կբացակայեն նաև Տեո Յանսենը, Կոլբեյն Սիգտորսոնը,Գրեգորի վան դեր Վիլը, Անդրե Օյերը: Փոխարենը ձախ պաշտպան Նիկոլայ Բոյլեսենը արդեն կարող է օգնել իր թիմակիցներին:
«Այաքս»-ի գլխավոր մարզիչ Ֆրանկ դե Բուրը ասել է, որ իր թիմի առջև բարդ առաջադրանք է դրված.
«Երկար տարիներ «
Մանչեսթր»-ի ուժը կայանում է թիմի միասնության մեջ: Ֆերգյուսոնի ուժն էլ այն է, որ բոլորը խաղում են մաքսիմալ ձևով»:
Խաղից առաջ Բուրը խորհրդակցել է Էդվին վան դեր Սարի հետ, ով անցյալ տարի «Ման.Յունայթեդ»-ի կազմում ավարտեց կարիերան:
«Մենք եկանք այն եզրակացությանը, որ Քեննետ Վերմերի դերը կմեծանա, երբ մրցակցի Ֆուտբոլիստները գրոհեն մեր դարպասի ուղղությամբ: Ռունի, Նանի, Ուելբեքի պես ֆուտբոլիստսիտներին չպետք է ազատ տարածություն տալ: Նրանց միշտ պետք է հսկել 2 մետր տարածության վրա, այլապես նրանք առաջ կանցեն և այլևս նրանց չես տեսնի. սա է եղել Էդվին վան դեր Սարի ամենակարևոր խորհուրդը:»,-նշել է Բուրը: